‘आम्ही आणू बाप्पा तुमच्या घरी’ मनसेचा अभिनव उपक्रम – नितीन सरदेसाई

मुंबई – गणेशोत्सव म्हणजे आनंद, उत्साह आणि गर्दीच गर्दी. पण यंदा गणरायाचे आगमन कोरोनाच्या पार्श्वभूमीवर होणार आहे. आगमनापासून विसर्जनापर्यंत आपल्याला गर्दी करणे टाळायचे आहे म्हणूनच या वर्षी महाराष्ट्र नवनिर्माण सेना, माहीम विधानसभेतर्फे ‘आम्ही आणू बाप्पा तुमच्या घरी’ हा अभिनव उपक्रम राबवत असल्याचं मनसेचे नेते नितीन सरदेसाई यांनी म्हटलं आहे.